Gërvalla në Forumin Strategjik të Bledit publikon foto, shihet edhe Lajçak

Ministrja e Punëve të Jashtme e Kosovës, Donika Gërvalla ka publikuar një fotografi me ministrat e jashtëm të shteteve të Europës Juglindore para takimit të përbashkët që do të kenë në kuadër të Forumit Strategjik të Bledit.

Në fotografinë e publikuar nga Gërvalla shihet edhe i dërguari i posaçëm i Bashkimit Europian për dialogun Kosovë – Serbi, Miroslav Lajçak.

“Me Ministrat e Jashtëm të shteteve të Evropës Juglindore, në Forumin Strategjik të Bledit, para takimit të përbashkët”, shkroi Gërvalla duke publikuar një fotografi me homologët e saj, si dhe një të veçantë me ministren e Jashtme të Sllovenisë, Tanja Fajon.