Gazetari ua dërgon policëve në veri një bakllava që e gatoi nëna e tij

Sot, në stacionin e Policisë në rajonin e veriut, zyrtarëve të Njësisë Speciale, por edhe njësive të tjera, iu soll bakllava e përgatitur nga nëna e gazetarit Venhar Isufi.

Ajo, për shkak të respektit që ka ndaj Policisë së Kosovës dhe punës së palodhshme që ata bëjnë në shërbim të vendit, ka pasur dëshirë që, përmes mundësive të saj, t’i nderojë në këtë mënyrë.

Këtë dëshirë të saj, Venhar Isufi e realizoi me ndihmën e zëvendësdrejtorit të Policisë së Kosovës, Veton Elshani, i cili mundësoi organizimin në mënyrë që shumica e njësive që operojnë në veri të jenë të pranishëm për ta shijuar bakllavanë, që gjithçka të përfundojë me ëmbëlsi