Gazeta e madhe franceze: Mbappe ka vendosur t’i bashkohet Real Madridit

Kylian Mbappe ka vendosur t’i bashkohet Real Madridit në verën e vitit 2024, raporton “L’Equipe”, transmeton GazetaDemos.

24-vjeçari francez është i vendosur ta realizojë ëndrrën e tij për të luajtur për Real Madridin.

Dëshira e Mbappes është largimi nga Paris Saint-Germaini këtë verë, por klubi francez nuk duket i gatshëm t’ia hap derën atij.

Kontrata e rinovuar pranverën e kaluar e lidhi atë me PSG-në deri në vitin 2025 në rast se skuadra parisiene fitonte Ligën e Kampionëve.

Ndryshe, siç ka ndodhur kur u eliminua në 1/16 e finales, kontrata e sulmuesit me skuadrën e tij aktuale përfundon në vitin 2024.

Detyrë e Mbappes tani është ta bind Real Madridin ta transferojë atë, pasi Los Blancos nuk dëshiron të përsëritet historia e sezonit të kaluar.

Mbappe raportohej se kishte një marrëveshje me Real Madridin verën e vitit të kaluar, megjithatë oferta “stratosferike” e PSG-së bëri që ai të ndryshonte mendje në fund.