Gashi: Qeveria e ka pranuar planin evropian, brenda është edhe Asociacioni

Analistit politik, Dardan Gashi ka deklaruar se plani evropian është pranuar moti nga Qeveria e Kosovës.

Ai në Debat Plus, ka thënë se brenda kësaj marrëveshjeje do të jetë edhe themelimi i Asociacionit të Komunave me shumicë serbe.

“Nëse të hënën nënshkruhet diçka, i bie që është pranuar e gjithë korniza, jo vetëm plani i përkohshëm i problemit. Asociacioni është brenda, në çfarë forme? Tentativa e kryeministrit me semantika për ta zbutur që nuk po i thotë Asociacion, por diçka tjetër”, ka thënë ai.

Gashi deklaroi se nuk i pëlqen që çështja e Manastirit të Deçanit është përfshirë brenda marrëveshjes Kosovë – Serbi.