Franca i ofron ndihmë ushtarake Ukrainës me vlerë prej 100 milionë eurosh

Franca ka njoftuar një fond prej 98 milionë dollarësh (100 milionë euro) që lejon Ukrainën të blejë drejtpërdrejt ndihmë ushtarake nga prodhuesit francezë.

Duke folur gjatë një konference për shtyp pas një samiti jozyrtar të liderëve të Bashkimit Evropian në Pragë, presidenti francez Emmanuel Macron tha se fondi do t’i mundësonte Ukrainës të blejë drejtpërdrejt nga prodhuesit francez pajisjet që i nevojiten më shumë për të mbështetur përpjekjet e saj të luftës dhe rezistencën e saj ndaj sulmeve ruse.

Kjo pason komentet që Macron bëri gjatë një konference për shtyp të enjten në mbrëmje, ku ai u zotua të dërgonte obusë francezë CAESAR në Ukrainë.

Gjatë fjalimit të tij të premten, Macron dha gjithashtu një mesazh kujdesi kur bëhet fjalë për kërcënimet nga Rusia për një konflikt të mundshëm bërthamor.

Kur u pyet nëse ai ndante pikëpamjen e presidentit amerikan Joe Biden, i cili paralajmëroi për një “Armageddon” bërthamor në përgjigje të kërcënimeve bërthamore të Putinit, Macron u përgjigj: “Ne të gjithë duhet të jemi shumë të kujdesshëm për këtë”.