Franca do të dërgojë karburant dhe pajisje mbrojtëse në Ukrainë

Franca do të dërgojë furnizime me karburant në Ukrainë së bashku me pajisje mbrojtëse për të mbështetur rezistencën e vendit ndaj pushtimit rus, thanë nga Pallati Élysée.

Në këtë deklaratë nuk u dhanë detaje të mëtejshme mbi pajisjet mbrojtëse, por një burim i Elysée u tha gazetarëve të shtunën më herët se kjo mund të përfshijë armë antitank, shkruan CNN.

Këshilli Kombëtar i Mbrojtjes ra dakord gjithashtu të ngrijë asetet financiare të rusëve të shënjestruar nga sanksionet dhe njoftoi masa për të “luftuar propagandën nga ndikuesit dhe mediat ruse në tokën evropiane”, thuhet në deklaratë.

Nuk u dhanë detaje për këto masa.

Presidenti francez Emmanuel Macron njoftoi një “forcim të sanksioneve ekonomike dhe financiare” në përputhje me Bashkimin Evropian dhe SHBA, sipas deklaratës.