“Fli i qetë, ta lexojmë programin kur të jesh në gjumë”, Edi Rama thumbon Bashën

Kryeministri Edi Rama ka vijuar replikat me kreun e Partisë Demokratike, Lulzim Basha, duke e ironizuar atë për qëndrimet e tij mbi marrëdhëniet me SHBA dhe programin politik.

Në një postim në rrjetet sociale, Rama publikoi një video të Bashës duke folur në një takim me studentë, ndërsa njëkohësisht komunikonte edhe live në internet. “Po fol njëherë me ata që ke aty, s’ka lezet, i fton dhe pastaj flet me ekranin”, shkroi Rama.

Lidhur me deklaratat e Bashës për rolin e SHBA-së në SPAK, Rama iu përgjigj me ironi: “Nuk dal kurrë para teje kur vjen puna tek Amerika, ti i di më mirë këto punë. Nëse thua që janë kthyer fuqishëm, me siguri kështu duhet të jetë”.

Duke vazhduar ironinë, Rama iu drejtua Bashës: “Fli i qetë, se do ta lexojmë programin kur të jesh në gjumë”.