Flet berberi për rastin e vrasjes së 18-vjeçarit në Podujevë

Ekskluzivisht për herë të parë ka folur për RTV Dukagjinin berberi ku nga lokali i tij ka filluar e gjithë ngjarja e cila dërgoi në vrasjen e Liridon Fejzullahut.

Ai ka thënë se ngjarja ka filluar për rendin se cili (viktima dhe njëri nga dorasit e tij) do të qethë flokët i pari.

“Normal, te unë ka ardhur i pari ai që është personi i dyshuar, tani viktima ka ardh masanej. Edhe qaty i pini ai dy cigare (dorasi), edhe tani e qoj puntorin tim veç me marr do bukë. Janë kanë tu u qeth tek punëtori jem e jo te unë. Tani erdh ai(viktima), qështu, kur ti pin cigare nuk pres une ty( i ka thënë viktima dorasit), sun pres tan diten. Edhe qeshtu veç fjalë, unë veç çka e nij tu fol se jam kane tu fol me punetorin tem, se jane kane ne rend tek ai e jo tek unë. Normal çka i kom ni tu fol qashtu. Diçka shumë serioze nuk ka qenë… Për fat të keq, nuk kena besu qe ka me ndodh ky send, se nuk ka pasur diçka masanej, jo ka me ja ba kështu ja ashtu. Por Luli okej tha se po eci”, ka thënë ai.

Berberi tutje ka thënë se “Për me krahë qysh po flitet se a e ka rrok, nuk e di se janë kanë tek dera, unë e kam vazhdu punën tem. Dhe qëto sende i din ma mirë punëtori jem, dhe janë ata që e dijn më mirë se a e ka rrok me krah a jo. Nuk ka pasur diçka ma shumë. Unë kamera në lokal nuk kemi për me dit se çka u ba. Por, nuk ka pasur diçka ma shumë. Hiç, hiç, sen. Edhe për krahë, as nuk ka pasur fjalë të keqe, i kam marr me fjalë të mira. Jam mundu me i qetësu edhe send diçka më shumë”, kështu është shprehur Berberi pë rastin tragjik të vrasjes së 18-vjeçarit në Podujevë.