Flasini nga Spitali i Pejës/ Kjo është gjendja e 16 të lënduarve nga aksidenti në magjistralen Klinë-Pejë

Në aksidentin e rëndë zingjiror të ndodhur sot në mbrëmje janë përfshir 4 vetura dhe kanë mbetur të lënduar 16 persona, shkruan GazetaDemos.

Pak më herët u bë e ditur se në mesin e të lënduarve janë dy gra shtatëzëna dhe 5 fëmijë,

E nga Spitali i Përgjithshëm i Pejës kanë treguar se të lënduarit janë duke u trajtuar dhe se për momentin nuk ka rrezik për jetën.

“Janë duke u trajtuar tek ne, për momentin nuk ka rrezik për jetën, por mjekët janë duke i trajtuar në fazën fillestare”, thuhet në përgjigjen e spitalit u tha për tv21.

Aksidentin e sotëm e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili ka treguar se  ishin të përfshira 4 vetura.

“Sot rreth orës 19:05, Policia është informuar për një aksident trafiku i cili ka ndodhur në fshatin Granabicë të Klinës. Në këtë aksident kanë qenë të involvuara katër vetura dhe si pasojë e këtij aksidenti 18 persona kanë pësuar lëndime trupore”, tha ai. /GazetaDemos/

Pamje nga ky aksident i rëndë: