Fiorentina lëshon deklaratë për gjendjen e Edoardo Bove, lojtarit që ra pa ndjenja në fushë

Fiorentina ka lëshuar një deklaratë ku konfirmon se Edoardo Bove është në terapi intensive, por testet e kryera kanë përjashtuan dëmtime serioze kardiologjike ose neurologjike.

Mesfushori 22-vjeçar u rrëzua gjatë ndeshjes së Serie A kundër Interit në “Artemio Franchi”, pas 17 minutash lojë.

Ai u dërgua me urgjencë në spitalin aty pranë, duke rikthyer vetëdijen atje.

Një deklaratë është lëshuar mbrëmjen e sotme nga klubi italian.

“ACF Fiorentina dhe Spitali Universitar Careggi kanë njoftuar se futbollisti Edoardo Bove, i cili u trajtua në fushë pas humbjes së vetëdijes gjatë ndeshjes Fiorentina – Inter, aktualisht është nën mbikëqyrje dhe është në terapi intensive”.

Lojtari i Violës mbërriti në urgjencë në kushte hemodinamike dhe analizat fillestare kardiologjike dhe neurologjike kanë përjashtuar dëmtimin akut të sistemit nervor qendror dhe sistemit kardio.