Fillon grumbullimi i qytetarëve serbë në sheshin “Car Lazar” në Mitrovicën e Veriut

Në mënyrë të organizuar serbët kanë arritur në protestën që pritet të nisë nga ora 12:00 në sheshin “Car Lazar” në Mitrovicën Veriore.

Po ashtu vetura të shumta me targa të Serbisë e autobusë me flamuj serb janë parë nga Zveçani në drejtim të Mitrovicës së Veriut, kështu duke lënë të kuptohet se përgatitjet për protestën e paralajmëruar nga Lista Serbe veç se kanë filluar.

Siç raporton RTV Dukagjini, me dhjetëra autobusë janë parë që janë duke shkuar në Mitrovicë të veriut, ndërsa të gjithë autobusët kanë numra të vendosur.

Një grup i të rinjve në lagjen e boshnjakëve në Mitrovicë kanë vendosur flamurin e Kosovës dhe të Shqipërisë.

Qytetarët të cilët e kanë marrë këtë iniciativë kanë thënë se kjo po bëhet për të treguar se veriu është tokë e Kosovës dhe e shqiptarëve.