Fifi dhe Adisi drejt martesës?

Prej muajsh tashmë historia e Fifit me Adis Patushin po ecën për mrekulli.

Çifti nuk ngurrojnë të shprehin hapur dashurinë për njëri-tjetrin dhe të paktën jo publikisht nuk është vënë re ndonjë krisje mes tyre.

Teksa gjërat po ecin kaq mirë duket se Fifi është gati për një hap të rëndësishëm në jetën e saj, martesën me Adisin.

Kështu na ka bërë të kuptojmë vet këngëtarja përmes një postimi të fundit në rrjetet sociale.

Së fundmi Fifi ka marrë pjesë në një dasmë dhe në urimin e saj në rrjetet sociale për çiftin ajo ka shtuar: “Mas juve Inshallah”.

“Tek kënga “Hana”, e tregoj historinë time të dashurisë, të vetmen që e kam përjetuar me të vërtetë. Deri më tani kam menduar që kam dashur por nuk e kisha ditur se çfarë është dashuria e vërtetë, tani e kam kuptuar çfarë është dashuria. Tani nuk di çfarë të them më, kjo është dashuria, të mos dish çfarë të thuash. Kur s’ke fjalë për të atëherë është dashuri, ma ka bërë zemra bam. Për herë të parë po e vlerësoj një njeri tjetër më shumë se veten, unë jam rritur ndryshe. Kam qenë femër me aftësitë e një mashkulli. Jam njeriu më i lumtur në botë që kam një njeri si Adisin në krah. Mundëm me u shfrenu me të, mund të jem edhe tepër e mirë, edhe grua, skam nevojë të jem burrë se e kam një burrë në krah jo çunak” u shpreh Fifi në një nga paraqitjet e saj të fundit televizive.