Më 21 tetor të vitit 1995, do të zhdukej Remzi Hoxha, e që nga ajo ditë ende nuk janë zbardhur në tërësi rrethanat e këtij rasti, që nga familja është kërkuar drejtësi në shumë adresa, por pa një rezultat konkret.
Së fundmi, për të ka folur edhe ish-shefi i Shërbimit Informativ Kombëtar të Shqipërisë, Fatos Klosi, i cili në emisionin “n’Demos”, ka thënë se angazhimi i tij në këtë rast kishte filluar pas paraqitjes së familjarëve në zyret e tij.
Sipas Klosit, me këtë rast insitucioni që ai drejtonte në atë kohë, do t’i shkonte deri në fund, ku kishte edhe të arrestuar.
“Jemi marrë me rastin e Remzi Hoxhës, pasi pak ditë pasi unë u emërova shef i shërbimit, erdhën familjarët e tij, dhe ma tregojnë rastin, nuk gjetëm asnjë dokument, pasi Remziu u mbeti në dorë Shërbimit Informativ, e kishin vrarë, e s’kishin se si linin ndonjë gjë, me Remziun u morëm seriozisht, vendosëm të bëjm një aksion të përbashkët me Prokurorinë, shkuam deri në fund, arritëm deri në një pikë që kishte SHIK-u në Vain të Lezhës, që aty kish përfunduar, pastaj asnjëri s’dinte asgjë më shumë. Gjetëm njerëz që kishin qenë të implikuar, e që kishin ikur edhe në Angli me pasaporta diplomatike që u kishte dhënë presidenti i vendit, Sali Berisha, si njerëz që dinin diqka me vrasjen e Remziut. Shërbimi Informativ nuk është marrë me rastin e Ali Ukës, me rastin e Remzi Hoxhës jemi marrë, dinim ku ishte parë deri në daljen e tij të fundit publike, prokuroria hapi rast, u dënuan dy njerëz”, ka deklaruar ai, shkruan GazetaDemos.
Emisioni i plotë: