Fantastike: Dardan Cena e fiton medaljen e bronztë në Sarajevë

Xhudisti Dardan Cena e ka fituar medaljen e bronztë në “Sarajeva European Open 2024”.

Cena ishte i shkëlqyer në kategorinë deri në 73 kilogramë, duke e fituar të bronztën përmes repesazhit.

Ai në finalen e repesazhit fitoi ndaj xhudistit rumun Lucian Dumitrescu Bor.

Me një Ippon të bukur, xhudisiti në ngritje nga Kosova e rrëzoi për mrekulli rumunin për t’u stolisur me të bronztën.

Rrugëtimi i tij drejt medaljes së bronztë

Cena e nisi pa lojë ndeshjen e parë, ndërsa në të dytën mposhti xhuistin Dmitrii Kuznetsov. Fatkeqësisht në gjysmëfinale nuk i bëri ballë fuqisë së spanjollit Diego Campillo Fernandez, megjithatë u sigurua që mos ta lërë Kosovën pa medalje në repesazh.

Përpos Cenas në Sarajevë garoi edhe kosovari Muhamedin Veseli, megjithatë humbi në finalen e repesazhit nga spanjolli Chinarro Neito.