Escobar në Kongres: Ka pasur dhunë të pakuptimtë ndaj gazetarëve, Policisë dhe KFOR-it në veri

Emisari i SHBA-së për Ballkanin Perëndimor, Gabriel Escobar, gjatë raportimit në Kongresin Amerikan, ka folur edhe për dhunën e serbëvë lokalë gjatë protestave në veri të Mitrovicës.

Eskobasr ka deklaruar se ka pasur tensione dhe dhunë të pakuptimtë nga gazetarëve, Policisë së Kosovës dhe KFOR-it në veri.

“Ka pasur tensione dhe dhunë të pakuptimtë ndaj gazetarëve KFOR dhe policisë NATO ka sjell përforcime dhe ka ruajtur një politikë të avancuar për të siguruar një mjedis të sigurt. Ne dhe BE kemi kërkuar shtensionim të menjëhershëm dhe jemi fokusuar te implementimi i marrëveshjeve dhe që të mbahen zgjedhjet e reja komunale me pjesëmarrjen e serbëve më veri, Po inkurajomë të dy palët që të përmbushin të gjitha obligimet e tyre që janë esenciale për rrugëtimin e tyre evropian”, ka thënë ai.

Ai ka përmendur marrëveshjen e shkurtit dhe aneksin e dakorduar në mars, për çka ka thënë se Kosova dhe Serbia duhet të përmbushin obligimet e tyre.

“Ne i inkurajojmë palët që të përmbushin të gjitha obligimet e tyre që sipas tij janë esenciale për rrugëtimin evropian të të dy vendeve”, ka thënë ai.