Erërat e forta dhe moti i keq që po mbizotëron në këtë kohë në vendin tonë, ka shkaktuar telashe në disa qytete të Kosovës, shkruan GazetaDemos.
Dëme të konsiderueshme janë shkaktuar edhe në Komunën e Gjilanit, ku si pasojë e këtij moti janë dëmtuar bizneset që po marrin pjesë na panairin mbarëkombëtar “eJONA”.
Ky panair që është hapur më 27 korrik, është planifikuar të vazhdojë për gjatë tre ditëve, me një sërë aktivitetesh kulturore e artistike si; panair biznesor dhe shitës, panair i librit, pije, ushqim e koncert festiv në mirëseardhje të diasporës e promovim të potencialit ekonomik të Gjilanit.
Për çdo mbrëmje organizohen aktivitete kulturore me artistë vendor, duke përfshirë të gjitha zhanret e të gjitha moshat.