Elmi Reçica: Kurdo që do të ketë zgjedhje, Vetëvendosje nuk del e para

Deputeti i Partisë Demokratike të Kosovës, Elmi Reçica, beson se në zgjedhjet e ardhshme në Kosovë, kurdo që të mbahen ato, Lëvizja Vetëvendosje nuk do të dalë subjekti më i votuar.

Reçica bazohet në disa sondazhe ku tregojnë një rënje relativisht të madhe të partisë në pushtet.

“Kurdo që të shkohet në zgjedhje, unë e besoj që jo 51%, por në asnjë situatë Lëvizja Vetëvendosje nuk mund të dalë partia e parë. Dhe me hulumtimet që po bëhen tash shihet që nuk ka asnjë parti politike që ka pasë për një kohë kaq të shkurtër rënie kaq të madhe dhe unë besoj në momentin kur të mbahen zgjedhjet, Lëvizja Vetëvendosje ka me mbet një rast i izoluar i një aksidenti që thashë elektoral, të cilin jo që e ka mirëpërdorur për vendin, por e ka keqpërdorur skajshmërisht me arrogance.”- tha ai në Tëvë 1.

Kujtojmë se në zgjedhjet e fundit, Lëvizja Vetëvendosje ka korrur një rezultat plebishitar me 50.2% të votave duke siguruar 58 ulëse në legjislaturën e re. Kurse Partia Demokratike e Kosovës rreth 17 %.