EKSKLUZIVE: Ky është Draft-Statuti i Asociacionit që BE-ja ia ka dorëzuar opozitës

Javë më parë në Kosovë kanë qëndruar përfaqësuesit special të BE-së, të cilët i kanë paraqitur kryeministrit të Kosovës Albin Kurti, një Draft-Statut për themelimin e Asociaccionit të Komunave me shumicë serbe, shkruan GazetaDemos.

GazetaDemos e ka siguruar një kopje të Draft-Statutit original, i cili i është prezantuar Kurtit, por ditë më parë edhe përfaqësuesve të partive opozitare në vend.

Në nenin 1 të këtij Draft – Statuti, përshkruhet komuniteti serb, e për të cilin thuhet se në dakordim me nenin 57 të Kushtetutës, komuniteti serb ka të drejta specifike sa i përket të drejtave dhe lirive themelore të njeriut të përcaktuara në Kapitullin II të Kushtetutës dhe ligjeve të aplikueshme, gjithnjë duke mos iu referuar Kushtetutës si Kushtetutë e Republikës së Kosovës, por vetëm si Kushtetutë, anipse në Nenin 1 të tek Dispozitat e Përgjithëshme të Draftit, Kosovën e përshkruan si Republika e Kosovës.

Ajo që bie në sy në këtë draft është se në Nenin 3 pika 2 e Draftit, thuhet se ky statatut do ti nënshtrohet rishikimit të Gjykatës Kushtetuese para se Asociacioni të themelohet.

Kurse në nenin 11, në pikën 1, shkruan se Asociacioni do të ketë simbolet e veta që përfshinë edhe flamurin.

Mirëpo në nenin 12 të Draftit, pika 1, thuhet se Asociacioni në harmoni me ligjet e aplikueshme, ka kompetenca të bashkëpunimit në vendet e anëtarëve dhe agjencitë qeveritare në Serbi.

Në vijim po ju japim versionin e plotë të Draft – Statutit të BE-së për Komunat me shumicë Serbe në Kosovë: