E rëndë: Rritet numri i palestinezë të vrarë nga të shtënat izraelite pranë pikave të ndihmës në Gaza

Të paktën 22 palestinezë kanë humbur jetën nga të shtënat e forcave izraelite pranë pikave të shpërndarjes së ndihmave në Gaza, njoftoi Ministria e Shëndetësisë e udhëhequr nga Hamasi.

Ngjarja ndodhi afër qendrave të operuara nga Fondacioni Humanitar i Gazës (GHF), një organizatë e mbështetur nga SHBA.

Forcat Mbrojtëse të Izraelit (IDF) deklaruan për BBC se po shqyrtojnë raportimet në lidhje me incidentin.

Që nga hapja e disa korridoreve për ndihma, pas një bllokade tremujore që sipas OKB-së ka çuar popullsinë e Gazës në prag të urisë, qindra palestinezë kanë humbur jetën gjatë përpjekjeve për të siguruar ushqim në këto zona shpërndarjeje.

Shefi i të drejtave të njeriut në OKB, Volker Turk, dënoi ashpër veprimet e Izraelit: “Mjetet dhe metodat e luftës së Izraelit po shkaktojnë vuajtje të tmerrshme dhe të paarsyeshme mbi palestinezët në Gaza”.