E quajtën ‘kriminel’, avokati i Faton Hajrizit sot dorëzon padi ndaj Kurtit, Haxhiut e disa zyrtarëve të tjerë

Gjuha ofenduese dhe urrejtja e kryeministrit Kurti, ministres Haxhiu, e disa zyrtarëve tjerë, ndaj tashmë të ndjerit, Faton Hajrizi, e shtyen familjen e tij të ngre padi ndaj tyre, shkruan GazetaDemos.

Në një përgjigje për GazetënDemos, avokati i kësaj familje, Gent Gjini, nesër rreth orës 13:30 do t’i dorëzojë paditë dhe kallëzimet penale në Gjykatën Themelore.

Tutje bëhet e ditur se Gjini do t’i padisë kryeministrin Albin Kurti, zëvendëskryeministrin Besnik Bislimi, ministren e Drejtësisë, Albulena Haxhiu dhe deputetin e Lëvizjes Vetëvendosje, Arbër Rexha “që kanë përdorur shprehje joetike dhe fyese ndaj familjes Hajziri”.

“Në pallatin e drejtësisë, neser rreth orës 13:30, do t’i dorëzojmë paditë dhe kallëzimet penale në Gjykatën Themelore të Prishtinës ndaj zyrtarëve publikë të cilët kanë përdorur ofendime dhe  gjuhë urrejtje për Faton Hajrizin, me shprehje si ‘kriminel. Zëvendëskryeministri Besnik Bislimi, kryeministri po ashtu, deputeti Arbër Rexha. ministrja e Drejtësisë, kanë përdorur shprehje joetike dhe fyese ndaj familjes Hajrizi”, ka thënë avokati Gjini.

Si i dyshuar për vrasje, Fatoni ishte në kërkim nga autoritetet serbe për disa orë, derisa Ministria e Punëve të Brendshme njoftoi se ai ishte vrare derisa po ikte nga Policia.

Trupi i tij është kthyer në Kosovë më 9 gusht, e dy ditë më vonë është varrosur në Klinë të Ulët të Skenderajt./GazetaDemos/