E kërcënojnë me armë dhe i vjedhin para, ferizajasi raporton rastin në polici

Një burrë ka raportuar se gjatë ditës së djeshme ka qenë viktimë e katër hajdutëve.

Rasti ka ndodhur në Ferizaj transmeton GazetaDemos.

Raportohet se viktima mashkull kosovar  derisa ka qenë duke u kthyer në shtëpi me veturë, fillimisht është goditur nga një veturë e më pas nga ajo veturë kanë dalë katër (4) të dyshuar, ku tre (3) prej tyre kanë qenë të armatosur me AK 47.

Të dyshuarit viktimës ia kanë marrë shtatëqind e shtatëdhjetë (770) €, thuhet në raport.

Në lidhje me rastin është konsultuar prokurori i shtetit, rasti vazhdon të hetohet./Demos/