Albanian
Croatian
English
French
German
Serbian
Turkish
Viktima e dhunës seksuale që kishte autor serbin Zoran Vukotiq, ka folur sonte në emisionin ‘Pressing’ në T7.
Ajo ka rrëfyer të gjithë ngjarjen që nga momenti kur e kanë ndarë nga familjarët e deri në momentin kur u dhunua.
“Në orët e hershme të mëngjesit në Vushtrri ka ndodhur një ngjarje që e di gjithë bota. Neve na nxorën të gjithëve nga shtëpitë ku ishim. Na çuan në një vend të fushat e varrezave në Vushtrri, thuhet se ishin 22 mijë vetë. Po atë ditë ka ndodhur edhe krimi. Na mbajtën aty një kohë, djemtë dhe burrat i ndajtën, i ngarkuan nëpër kamiona dhe i shpërndanë. Pas asaj kohe na drejtuan në një lokal, ku aty na identifikuan me kartona. Unë kur kam hyrë me marrë atë karton, aty edhe dhunesui më mori dhe më çoi në një vend tjetër. Me burrin jam nda qysh më herët. Edhe s’jam bashkuar deri pas përfundimit të luftës. Vetëm ky ka marrë pjesë në dhunim, por ka qenë edhe një bashkëpunëtor tjetër që ka qenë në dhomë”, tha viktima.
Ajo thotë se bashkëshorti gjithmonë e ka përkrahur atë.
“Përkundrazi kanë qenë lidhjet më të forta me bashkëshortin, gjithmonë ka qenë krahu im “, shtoi ajo.Ajo thotë se nuk është e kënaqur me dënimin që ka marrë Zoran Vukotiq,.
“Është një lehtësim se kam kërkuar drejtësi 21 vjet që të vie puna deri këtu, nuk jam e knaqur, mirëpo është me rëndësi që se paku ta shehë e gjithë bota se kush është autor i krimit. Kam pritur që dënimi të jetë më i madh”, thotë viktima, që atëkohë ishte 28-vjeçare.