E dhimbshme për familjen: I jepet sot lamtumira fëmijës 4 vjeçar që vdiq tragjikisht

Varroset sot në fshatin Mirosalë fëmija rreth katërvjeçar që humbi jetën tragjikisht pas një aksidenti në oborrin e shtëpisë së dajve  në fshatin Dardani të Ferizajt.

Fëmija dyshohet se është goditur nga një veturë, ndërsa ngasësi,  sipas policisë  ka lidhje familjare me viktimën.

Zyrtari rajonal i Policisë për Ferizajn, Kanun Veseli tha se fëmija ishte dërguar në ambulancën e fshatit Pozheran, ku mjeku kujdestar kishte konstatuar vdekjen e tij.

“Me datën 22.06.2025 rreth orës 18:45, nga stacioni policor në Viti jemi njoftuar se në ambulancën e fshatit Pozheran është dërguar një fëmijë rreth moshës 4-vjeç, i cili është konstatuar pa shenja jete nga mjeku kujdestar. Dyshohet se fëmija është goditur nga një veturë në fshatin Dardani, në oborrin e shtëpisë, ndërsa ngasësi – ka lidhje familjare me viktimën”,  thuhet në deklaratën e Veselit.