Dyshohet se më 1 maj vodhi pesë viça, Policia arreston 39-vjeçarin në Kaçanik

Policia e Kosovës ka arrestuar një 39 vjeçar i cili dyshohet se ka vjedhur pesë krerë bagëti- viça në fshatin Soponicë të Kaçanikut. 

Vjedhja ka ndodhur më datën 1 maj.

Llogaritet se dëmi është afër 6 mijë euro, shkruan gazeta online Reporteri.net.

“Nën autorizim të prokurorit të shtetit, Njësia e Hetimeve ka nisur hetimet për identifikimin dhe lokalizimin e personave të dyshuar. Pas një pune intensive hetimore, grumbullimit të informacioneve në terren, më datën 05.05.2025, rreth orës 14:40, është identifikuar dhe më pas arrestuar i dyshuari P.H., 39 vjeç, i cili është shoqëruar në stacionin policor në Kaçanik. Pas intervistimit, dhe me vendim të prokurorit të rastit, i dyshuari është ndaluar për 48 orë, për procedura të mëtejshme hetimore.”, thuhet në njoftimin e Policisë së Kosovës.