”Dy banesa u përfshin nga flakët”, detaje të reja rreth zjarrit në Prishtinë

Një ndërtesë u përfshi nga zjarri sonte tek ”Praku i Qytetit” në Prishtinë. 

GazetaDemos merr vesh nga tereni se dy njësi banesore janë përfshirë nga flakët, ndërsa pjesa tjetër e banesës nuk është prekur nga zjarri. Tani ka vetëm tym.

Teksa zjarrfikësit ndodhen brenda dhe po përpiqen të shuajnë çdo vatër ku ka zjarr.

Ndryshe, Policia e Kosovës e ka konfirmuar që një ndërtesë në Prishtinë pranë Parkut të Qytetit është përfshirë nga zjarri.

Flora Ahmeti, zëdhënëse për rajonin e Prishtinës tha se nuk raportohet për persona të lënduar.

“Sot rreth orës 21:00, kemi pranuar informatën për një incident zjarri në një ndërtesë në afërsi të Parkut të qytetit në Prishtinë. Menjëherë në vendin e ngjarjes kanë dalë policia dhe zjarrfikësit të cilët po merren me rastin. Bazuar në të dhënat nga terreni nuk raportohet për persona të lënduar”, ka thënë Ahmeti