Drejtori i Policisë: Jemi të gatshëm të ballafaqohemi me çfarëdo sulmi

Drejtori i Përgjithshëm i Policisë së Kosovës, Gazmend Hoxha derisa ka vlerësuar lartë aktin heroik të rreshterit Afrim Bunjaku në sulmin terrorist në Banjskë, thotë se janë të përgatitur që t’i përgjigjen çfarëdo lloj sulmi.

“Ne jemi të gatshëm për t’u ballafaqu me çfarëdo sulmi, si të kësaj natyre, por edhe tjera.

A mund të ketë pasoja, edhe mund të ketë. Por ne jemi të përkushtum si Polici e Kosovës që t’i garantojmë Kosovës siguri, qoftë edhe me jetën tone”, thotë ai në dokumentarin “Dritëhijet e 24 shtatorit” në ATV.