Drejtoresha e Korpusit për Paqe të SHBA-së viziton Kosovën, pritet nga Osmani

Drejtoresha e Korpusit për Paqe e SHBA-së, Carol Spahn, do ta vizitojë sot Kosovën.

Ajo do të pritet në takim nga presidentja Vjosa Osmani.

“Në orën 15:00, Presidentja e Republikës së Kosovës, Vjosa Osmani pret në takim Drejtoreshën e Korpusit për Paqe (Peace Corps) të SHBA-ve, Carol Spahn”, thuhet në agjendën e presidentes lidhur me këtë takim.

Pas takimit, Osmani dhe Spahn do të deklarohen për media.

Zyrtarja amerikane një ditë më parë qëndroi për vizitë në Shqipëri. Në Tiranë ajo u prit nga kreu i shtetit shqiptar, Bajram Begaj.

Begaj vlerësoi angazhimin e programit vullnetar amerikan në Shqipëri dhe ndihmesën e dhënë ndër vite.