Donjeta Sadiku kalon në gjysëmfinale të turneut nderkombëtar “Çesme 2023”

Boksierja Donjeta Sadiku ka arritur fitore në çerekfinale duke mposhtur bindshëm 5 me 0 boksieren nga Japonia, Ayava Taguchi, në kategorinë 60 kilogramë.

Sadiku me këtë rast arriti gjysëmfinalen dhe njëkohësisht e ka siguruar  medaljen e bronztë. Të enjtën me 27 prill në gjysëmfinale do të ballafaqohet me boksieren nga Turqia, Gizem Ozer, njofton GazetaDemos.

Turneu “Çesme 2023” është i dedikuar vetëm për konkurrencën e femrave.