Dogana e Kosovës kap drogë – u soll në Kosovë me dërgesë postare

Dogana e Kosovës ka zbuluar dhe konfiskuar një sasi të konsiderueshme të substancës narkotike gjatë kontrollit rutinë të dërgesave postare me prejardhje nga jashtë vendit në Qendrën Doganore të Postës.

Gjatë inspektimit të një pakoje të dyshimtë, zyrtarët doganorë gjetën dy qese plastike të mbushura me një substancë të blertë, dyshohej të ishte kanabis, me peshë neto afërsisht 1 kilogram.

Rasti u raportua menjëherë autoriteteve të sigurisë dhe Njësia Anti-Drogë e Policisë së Kosovës, pas verifikimit paraprak, konfirmoi se substanca ishte narkotik i llojit marihuanë. I gjithë materiali provë i është dorëzuar Policisë së Kosovës për procedimet penale të mëtejshme.