Djali i Rugovës nuk e përshëndet Kurtin në fjalimin e tij, por vetëm Osmanin

Ukë Rugova, djali i ish-presidentit Ibrahim Rugova, i cili mori pjesë në përurimin e shtatores së babit të tij në Podujevë e ka injoruar kryeministrin Albin Kurti.

Me të marrë fjalën për të folur në këtë ceremoni, ai ka përmendur vetëm presidenten Vjosa Osmani, por jo edhe kryeministrin Kurti.

“Të dashur qytetarë të Podujevës, e të gjithë Republikës së Kosovës; e nderuar presidente e Republikës së Kosovës, zonja Vjosa Osmani-Sadriu; mysafir të nderuar; llapjan të dashur, në emër të fëmijës se presidentit Rugova dëshiroj të ju falënderoj”, ka thënë djali i ish-presidentit Rugova.

Ai në fjalimin e tij ka thënë “Zoti le të vazhdojë ta bekojë Republikën e Kosovës bashkë me SHBA-të dhe Bashkësinë Evropiane”.