Disa të plagosur pasi Izraeli shënjestron selinë e policisë kombëtare të Iranit, thonë mediat shtetërore atje

Disa persona u plagosën pasi Izraeli shënjestroi selinë e policisë kombëtare të Iranit në një sulm sot, sipas agjencisë shtetërore iraniane të lajmeve IRNA.

Një numër ndërtesash pranë selisë së Komandës Kombëtare të Zbatimit të Ligjit të Iranit u shënjestruan, raportoi IRNA, siç thuhet “si pjesë e agresionit të vazhdueshëm nga regjimi uzurpues dhe brutal sionist”, ka raportuar CNN.

Ministri izraelit i Mbrojtjes, Israel Katz, pretendoi më parë se vendi i tij kishte “shkatërruar” selinë e “sigurisë publike” të Iranit.

Aeroplanët luftarakë të Forcave Ajrore Izraelite “shkatërruan selinë e sigurisë publike të regjimit iranian – dega kryesore shtypëse e diktatorit iranian”, pretendoi Katz. CNN nuk mundi ta verifikonte në mënyrë të pavarur pretendimin dhe Katz nuk dha detaje të mëtejshme.

Media shtetërore iraniane kishte raportuar më parë se një sulm izraelit ndodhi pranë një objekti të Gjysmëhënës së Kuqe në Teheran. Selia e Komandës Kombëtare të Zbatimit të Ligjit është në të njëjtën rrugë me objektin e Gjysmëhënës së Kuqe.