Digjen dy kamionë në veri, dëmtohet edhe një veturë

Në Mitrovicën e Veriut në orët e para të mëngjesit u dogjën dy kamionë tesa zjarri dëmtoi edhe një veturë.

Sipas zëvendësdrejtorit të Policisë së Kosovës për rajonin e veriut, Veton Elshanit, zjarri ka të ngjarë që ka qenë i qëllimshëm.

Elshani për Dukagjinin ka thënë se nuk ka të dyshuar dhe se hetimet janë duke u zhvilluar.

“Dyshohet se persona të dyshimt kanë vënë në zjarr dy kamiona (zjarri i është vënë mbi motorr) që ishin të parkuar para magazinës së tyre. Një veturë poashtu është dëmtuar si pasoj e zjarrit. Zjarrëfikësit kanë dal në vend të ngjarjes dhe e kanë shuar zjarrin. Nuk ka të lënduar dhe policia po punon në ndriqim të rastit i cili është cilësuar si zjarrëvënie,” ka thënë Elshani.

Sipas Radio Evropa e Lirë pronarët e kamionëve janë shqiptarë, të cilët kanë biznese me shumicë në veri të Mitrovicës, ndërsa automjeti i dëmtuar i pasagjerëve është në pronësi të një serbi, D.P.

Zjarrit që përfshiu kamionët, i paraprinë tri shpërthime.