Dhunimi i 11 vjeçares, edhe dy muaj paraburgim ndaj katër të dyshuarve

Gjykata Themelore në Prishtinë ka aprovuar kërkesën e Prokurorisë për vazhdimin e masës së paraburgimit ndaj katër të dyshuarve për dhunimin e 11 vjeçares.

Në një përgjigje për Klan Kosova u tha se masa e paraburgimit është zgjatur për dy muaj të tjerë derisa ky vendim u mor më 26 maj 2025 në Departamentin për Krime të Rënda.

”Referuar kërkesës tuaj për informata, ju njoftojmë se pas kërkesës së Prokurorisë Themelore në Prishtinë për vazhdimin e masës së paraburgimit në çështjen penale kundër të pandehurve V.A., P.SH., L.A. dhe G.H., Gjykata Themelore në Prishtinë – Departamenti për Krime të Rënda me datë 26.05.2025 ka marrë Aktvendim dhe ka aprovuar kërkesën e PTHP-në, ashtu që masa e paraburgimit të pandehurve të lartcekur, iu është vazhduar në kohëzgjatje prej 2 (dy) muaj, për secilin. Faleminderit për bashkëpunimin tuaj”.