Mediumi i njohur Goal.com ka përpiluar një listë me 10 golashënuesit më të mirë të të gjitha kohërave në La Liga, ky kryesues i listës së realizatorëve është ylli argjentinas, Lionel Messi, i pasuar nga rivali i tij i madh, Cristiano Ronaldo.
Legjenda e Barcelonës, Lionel Messi u largua pas 17 vitesh ga La Liga si golashënuesi më i mirë i të gjitha kohërave, pasi ai iu bashkua Paris Saint-Germain në një transferim të lirë në verën e 2021.
Ish-ylli i Barcelonës shënoi 474 gola në 520 ndeshje në La Liga në 17 vitet e tij para se të largohej nga Spanja për t’u bashkuar me gjigantët e Ligue 1, PSG.
Përveçse është golashënuesi më i mirë në La Liga, argjentinasi është edhe golashënuesi më i mirë i të gjitha kohërave i Barcelonës me 670 gola në 778 ndeshje në të gjitha garat.
Messi pasohet nga rivali i tij dhe ish-ylli i Real Madridit, Cristiano Ronaldo, i cili shënoi 311 gola në 292 ndeshje.
Koha e Ronaldos në Spanjë zgjati për nëntë sezone nga 2009 deri në 2018, ku ai fitoi katër tituj të Ligës së Kampionëve dhe tre tituj të La Ligës përpara se të transferohej në Itali për t’iu bashkuar gjigantëve të Serie A, Juventus në 2018.
Përveç Messit dhe Ronaldos, lojtarë si legjenda e Real Madridit, Raul Gonzalez dhe ai i Atheltic Bilbaos, Telmo Zarra, shfaqen në listën e golashënuesve më të mirë në La Liga.
Nga lojtarët aktual në listë gjendet vetëm Karim Benzema, i cili zë pozitën e pestë me 233 gola nga 434 ndeshje në La Liga.