“Dhimbja do të na përcjellë gjatë” – Kryetari Rahimaj reagon pas humbjes tragjike të dy studenteve

Kamenica është zgjuar sot me një lajm tronditës ku dy studente shembullore, Arbnora Basha dhe Antiana Thaçi, kanë humbur jetën tragjikisht, ndërsa Arlinda Basha po lufton për jetën në gjendje kritike.

Lajmin e kobshëm e ka ndarë kryetari i Komunës së Kamenicës, Kadri Rahimaj, i cili ka shprehur dhimbjen dhe ngushëllimet për familjet e vajzave.

“Ndërsa të gjithë ne po lutemi që Arlinda të gjejë forcë për të tejkaluar gjendjen kritike të saj. Lutjet tona janë që ajo të kthehet pranë familjes dhe shoqërisë sa më parë,” shkruan Rahimaj në reagimin e tij.

Postimi i plotë: 

Dhimbja e mëngjesit të sotëm do të na përcjell gjatë, të gjithë neve

Kamenica sot është tronditur me lajmin e kobshëm që dy vajzat dhe studentet tona shembullore Arbnora Basha dhe Antiana Thaçi u ndanë nga ne, ndërsa Arlinda Basha po lufton me gjendjen e saj kritike. 

Ndërsa të gjithë ne po lutemi që Arlinda, të gjejë forcë për të tejkaluar gjendjen kritike të saj. Lutjet tona janë që ajo të kthehet pranë familjes dhe shoqërisë sa më parë. 

Për të gjithë ne që kemi pas rastin t’i njohim, ato ishin vajza shembullore, studente të dalluara dhe me vullnet dhe dëshirë për të ardhmen. 

Ngushëllimet më të sinqerta familjes Basha dhe Thaçi, për humbjen e paritur të më të dashurave të tyre. Bashkëndjejmë dhimbjen me Ju! 

Qoftë i lehtë dheu dhe u prehshin në paqe!