Një rast i rëndë ndodhi sot në Podujevë, ku si pasojë e një mosmarrëveshjeje u plagosën disa persona.
Burime të Indeksonline pohuan se rasti ka ndodhur diku rreth orës 15:40, në fshatin Lupq të Epërm, në afërsi të hekurudhës.
Dyshohet se numri i të plagosurve është katër.
Sipas burimeve, incidenti ka ndodhur mes disa anëtarëve të familjes Menxhiqi.
Një pjesëtar i kësaj familjeje dyshohet të ketë therrur me thikë katër kushërinj të tij.
Konteksti i këtij konflikti nuk dihet, ndonëse burimet pohojnë se të njëjtit kanë pasur probleme mes vete edhe në të kaluarën.