Detaje ekskluzive nga seanca e Kuvendit më 2017 për zhbërjen e Gjykatës Speciale: Glauk Konjufca u kthye rrugës

Më 22 dhjetor të 2017, 43 deputetë të Kuvendit të Kosovës mbajtën seancë të jashtëzakonshme për shfuqizimin e Ligjit për Gjykatën Speciale. LDK, VV dhe Lista Serbe s’i dërguan përfaqësuesit e tyre në mbledhjen e Kryesisë, kështu duke e pamundësuar kuorumin për vendimmarrje. Teksa, numri prej 43 deputetëve përbëhej nga PDK, AAK dhe Nisma për Kosovën, raporton GazetaDemos.

Rreth kësaj seance, ekskluzivisht në “PolitiKaos” të GazetësDemos, ka dhënë detaje kandidatja për deputete nga radhët e AAK-së, Teuta Haxhiu.

Haxhiu tha se rreth zhbërjes së kësaj Gjykate në këtë seancë, kishin marrë premtime se do t’i përkrahnin, por sipas saj, Lëvizja Vetëvendosje atë kohë kishte “luajtur”, pasi kishin në interes të kundërtën e arsyes së mbajtjes së seancës.

E njëjta tha se, po atë natë, kishin marrë lajmin se anëtari i Kyesisë së 2017-tës, tashmë kryetari i Kuvendit, Glauk Konjufca ishte rrugës për t’iu bashkuar deputetëve.

Në mungesë të informacioneve rreth arsyes, Haxhiu tregoi vetëm se, pak minuta më vonë, ardhja e Konjufcës në Kuvend ishte anuluar.

“Mua më kujtohet ajo natë kur ne jemi kthy në Kuvend, tentimi për ta shpërbër këtë Gjykatë… Ka qenë në orët e vona. Me shumë sinqeritet, kemi qenë të përkushtuar, ngase e kemi kundërshtuar që nga fillimi, mirëpo qysh atë natë janë pa njerëz që kanë luajt dhe kanë pas më shumë interes me u bë kjo Gjykatë. Fatkeqësisht, na janë dhënë premtime që rrugës po vijnë anëtari i Kryesisë, në këtë rast ka qenë pikërisht kryetari i Kuvendit, dhe mas pak kohe na është thanë që ‘po kthehet, nuk po vjen’. Domethënë, thjeshtë nuk ka qenë vullneti i Vetëvendosjes”, tha Haxhiu për “PolitiKaos”.

Deklarata e plotë: