Deputeti i PDK-së me akuza për MSH-në: I ruan barnat në depo të fundosura nga uji

Deputeti I PDK-së, Bekim Haxhiu ka hedhur akuza për Ministrinë e Shëndetësisë se po I ruan barnat në depo të fundosura nga uji, shkruan Gazeta Demos.

Ai përmes një shkrimi në Facebook, këtë e ka quajtur si skandal të radhës.

Haxhiu tutje ka thënë se ‘’Ministria e Shëndetësisë merr  objekt me qera 1 milionë e 242 mijë euro për akomodimin e stafit të tri inspektorateve, përderisa Depoja qëndrore farmaceutike e MSH-së që ndodhet te Pallati i Rilindjes është fundosur nga uji për shkak të reshjeve të shiut’’.

Më poshtë mund të shihni shkrimin e plotë të tij në lidhje me këto më lart:

Skandali i radhës i Ministrisë së Shëndetësisë!

I ruan barnat në depo të fundosura nga uji, ndërsa akomodon stafin e 3 inspektorateve në një objekt në vlerë mbi 1.2 milion euro.

Ministria e Shëndetësisë merr  objekt me qera 1 milionë e 242 mijë euro për akomodimin e stafit të tri inspektorateve, përderisa Depoja qëndrore farmaceutike e MSH-së që ndodhet te Pallati i Rilindjes është fundosur nga uji për shkak të reshjeve të shiut.

Pse po mbahet “sekret” fundosja e depos qëndrore farmaceutike e MSH-së?

Si është e mundur që barnat të ruhen, në një ambient me lagështi ku depërton uji?

Ndërsa në anën tjetër MSh u siguron objekt milionësh stafit të Inspektoratit!

Çfarë logjike menaxhues është kjo ku më shumë shpenzohet për inspektora se për ruajtjen e barnave, që janë jetike për pacientët?!

Prokuroria duhet të inspektojë këtë depo, ngase mund të asgjesohen stoqe të tëra të barnave për të mbuluar vjedhjen ne sektorin e faramcisë të MSH-së!

Dhe për këtë skandal të mirret në pyetje ministri i Shëndetësisë.