Dënohet me 6 muaj burgim mërgimtari që e kanosi Faton Pecin

Në seancën e sotme në Gjykatën Themelore në Prishtinë është marr vendim ndaj të akuzuarit, Blerim Avdyli, i cili ka kanosur ministrin në detyrë të Bujqësisë, Faton Peci.

I njëjti, sipas vendimit të Gjykatës është dënuar me 6 muaj burgim.

Në seancën paraprake, Avdyli e kishte pranuar fajësinë, duke deklaruar se gjatë momentit të kanosjes ka qenë i dehur.

“E pranoj fajësinë, unë ministrin nuk e kam parë asnjëherë, as s’kam pas diçka punë. Kam respekt për të, nuk e kam ditë kush është. Kam qenë në shtetin kroat, i dehur, i papunë edhe nuk e di as vetë çka kam shkru, të nesërmen e pash telenonin, e kam thyer dhe kam kërkuar ndihmë nga mjekët kroat”, tha Avdiu.