Dekreti Presidencial – Kosova i njeh si organizatë terroriste rebelët Huthi

Presidentja Vjosa Osmani me një dekret presidencial e njeh si organizatë terroriste rebelët Houthi. 

Nëpërmjet këtij dekreti Osmani ka harmonizuar listën e organizatave terroriste me Shtetet e Bashkuara të Amerikës.

“Republika e Kosovës qëndron përkrah Shteteve të Bashkuara të Amerikës në luftën kundër krimit të organizuar transnacional dhe terrorizmit, karteleve të drogës dhe regjimeve kriminale, sepse udhëheqja amerikane e bën botën më të sigurt. Sot, kam lëshuar një Dekret Presidencial për të përafruar plotësisht përcaktimin e Kosovës për organizatat e huaja terroriste me Urdhrat Ekzekutivë të Presidentit @realdonaldtrump të janarit 2025, të cilët kanë shpallur një numër kartelesh ndërkombëtare të drogës dhe organizatash të tjera kriminale si organizata terroriste të huaja.”, ka shkruar nw X presidentja Osmani.

Sipas saj historia dëshmon një të vërtetë të thjeshtë: kur Amerika udhëheq, ka më shumë paqe, më shumë siguri dhe më shumë liri në mbarë botën. Kosova gjithmonë do të qëndrojë përkrah SHBA-së për ta avancuar këtë vizion dhe në përpjekjen e saj për të luftuar të gjithë ata që rrezikojnë sigurinë kombëtare të aleatit tonë më të rëndësishëm.

The Republic of Kosovo stands with the United States of America in the fight against transnational organized crime and terrorism, narco cartels and criminal regimes, because American leadership makes the world safer.

Today, I have issued a Presidential Decree to fully align… pic.twitter.com/UQfvWMVJw1

— Vjosa Osmani (@VjosaOsmaniPRKS) August 29, 2025

Në një urdhër ekzekutiv të 22 janarit, Presidenti amerikan  Donald Trump njoftoi se Ansar Allah, i njohur gjithashtu si Houthit, do të shpallet si Organizatë Terroriste e Huaj sipas ligjit të SHBA.

Ky vendim o tij erdhi në atë kohë si përgjigje ndaj aktiviteteve të dhunshme të Houthit, të cilat përfshijnë sulme ndaj anijeve luftarake të Marinës së SHBA, infrastrukturës civile dhe anijeve tregtare në Detin e Kuq.

“Që nga vitet 2014-2015, Houthit kanë intensifikuar veprimet e dhunshme, duke përfshirë sulme ndaj aeroporteve në Arabinë Saudite, sulme vdekjeprurëse në Emiratet e Bashkuara Arabe dhe lëshimin e më shumë raketave drejt Izraelit. Aktivitetet e këtij grupi, të mbështetur nga Trupa e Gardës Revolucionare Islamike të Iranit (IRGC-QF), paraqesin një kërcënim të rëndësishëm për personelin amerikan, partnerët rajonalë dhe tregtinë detarë globale”.

Ky urdhër theksonte angazhimin e SHBA për të ndërmarrë veprime të forta kundër grupeve terroriste dhe për të siguruar sigurinë e tregtisë detarë globale.