Davies: Musiala do të jetë fitues i Topit të Artë në të ardhmen

Lojtari i Bayernit, Alfonso Davies ka parashikuar se Jamal Musiala do ta fitojë Topin e Artë në të ardhmen pasi, sipas kanadezit, Musliasas iu ‘grabit’ trofeu Kopa për U-21.

Adoleshenti i Barcelonës, Gavi, mori çmimin përpara Eduardo Camavinga, me Musiala që u rendit në vendin e tretë në ceremoninë e ndarjes së çmimeve të hënën në mbrëmje.

Ishte një rezultat që shefi i Bayern-it, Julian Nagelsmann, e kundërshtoi, duke thënë se “në sytë e mi, Jamal Musiala, si dhe Jude Bellingham, kanë luajtur një sezon më të mirë se Gavi”.

Gavi bëri debutimin e tij me Spanjën në vjeshtën e vitit 2021 dhe nisi 28 ndeshje në La Liga sezonin e kaluar, por në fund të fundit ishte një zhgënjim për Barcelonën pasi u eliminuan nga Liga e Kampionëve dhe më pas nga Europa League, si dhe duke përfunduar në vendin e dytë në ligën e spanjolle.

Ndërkohë, Musiala e ndihmoi Bayernin në fazën e grupeve të Ligës së Kampionëve dhe e ka nisur këtë sezon në formë fantastike, duke shënuar pesë gola dhe pesë asistime në 10 paraqitje në Bundesligë.

Dhe rezultati ishte qartazi diçka që i riu tjetër Alfonso Davies, e kundërshtoi, pasi kanadezi shkroi në Twitter për të parashikuar se gjermania në të ardhmen do ta fitojë Topin e Artë

“Mund të të kenë mohuar trofeun e Kopës, por nuk do të të mohojnë Topin e Artë të ardhshëm”, ka shkruar ai në rrjetet sociale.