Daut Haradinaj rrëfen bisedën me nënën e Adrian Krasniqit: Në varrim i thash se nuk të ka shku gjak humbur

Më 16 tetor të vitit 1997, vdiq heroikisht ushtari i parë me uniformë të UÇK-së, Adrian Krasniqi.

Për rënien e tij është folur ndër vite, ku bashkëluftëtarët kanë rrëfyer në detaje aksionin ku mbeti i vrarë në Kliqinë.

Së fundmi, në emisionin “n’Demos”, ka folur edhe ish-komandanti i UÇK-së, Daut Haradinaj i cili ka dhënë detaje ekskluzive rreth kësaj ngjarje.

“Kur është larguar masa prej varrimit të Adrianit, ne kemi bo nderim ushtarak tek varri i tij, rreth 40 vetë të gjithë të armatosur kemi bërë nderim ushtarak, e pastaj i kemi caktur dy vetë që të shkojnë tek familja e Adrianit, tek baca Xhafë, aty kanë shkuar Lahiu me Shkelzenin, na i kemi mbledh pak pare se nuk e kemi ditë gjendjen e familjes, ata kanë shkuar me i ngushëllu dhe me i tregu se ne jemi shokët e tij, i kemi mbledhur dy mijë marka për t’iu dërguar atyre, por kur u kthyen ata erdhën me disa shteka cigare të Amerikës e me 10 mijë dollarë, e u kishin thënë që ta përshëndetni atë djalin që ka marrur hakë mbramë se nuk na la me shku gjakë humbur djalin, e kështu kemi filluar edhe lidhjet më të mëdha me atë familje”, ka deklaruar Haradinaj, shkruan GazetaDemos.

Rënia e Adrian Krasniqit u kthye në forcë e motiv për bashkëluftëtarët e tij, të cilët morën hak po në atë ditë, e që për këtë ishte njoftuar edhe nëna e heroit gjatë ceremonisë së varrimit.

“Unë i kam thanë nanës Adrianit tek varri se nuk të ka shku gjak humbun, ajo qysh është kanë kah varri është kthy më ka shiku, dhe i ka pyet pastaj kush ke ai djali që më tha ashtu e i kanë tregu që ka qenë Daut Haradinaj, edhe Serbia e kishte konfirmuar që ka pasur humbje të mëdha ato ditë, ndoshta më të këqijat të asaj kohe, Adriani fizikisht ka qenë jashtëzakonisht i përgatitur, shumë djal i zoti”, është shprehur Haradinaj.

Emisioni i plotë: