Daut Haradinaj për Ylfete Humollin: U vra nga ushtria serbe në moshën 16-vjeçare, do të mbetet përgjithmonë në histori

Daut Haradinaj e ka përkujtuar veprimtarën e njohur, Ylfete Humolllin në përvjetorin e 35 të vrasjes.

Haradinaj vlerëson se veprimtarja Humolli do të mbetet gjithmonë në historinë e kombit.

“Vetëm 16 vjeçe ishte Ylfete Humolli nga Lupçi i Poshtëm i Podujevës, kur u vra nga ushtria serbe teksa po protestonte paqësisht me shokë e shoqe kundër regjimit të Millosheviqit me 1 Shkurt 1990. Përpjekjet nga idealistët për Kosovën e lirë, nuk kishin moshë e as gjini, ishim bashkë një popull – një kryengritje. Emri i Ylfetës do të mbetet përgjithmonë i gdhendur në historinë e përgjakshme të Kosovës. Amaneti i saj i realizua, Kosova është lirë dhe sovrane, e tillë do të qëndrojë për aq sa do të ketë diell mbi këtë tokë. Lavdi heronjve ndër dekada!”, tha Haradinaj.