“Dashnia jote me bufin është e hershme”, “Më e keqja s’ka ardhur ende” – Basha ia kthen shpejt Ramës

Kreu i koalicionit Euroatlantik, Lulzim Basha, ka hedhur akuza ndaj kryeministrit Edi Rama, duke e akuzuar për bashkëpunim me Sali Berishën dhe për mbylljen e listave zgjedhore.

Në një video të publikuar në rrjetet sociale, Basha i kujtoi Ramës ndryshimin e ligjit zgjedhor në 2008, duke thënë se ky veprim ishte në favor të tyre: “Bashkë e ndryshuat ligjin për zgjedhjet, bashkë bëtë foltoren, i dhe vulën, liruat të korruptuarit dhe mbyllët listat”.

Basha gjithashtu ironizoi deklaratat e Ramës mbi marrëdhëniet me SHBA, duke e sfiduar: “Po tani që ke marrë vesh që amerikanët janë kthyer, pse s’më përgjigjesh ‘ku i ke shokët’?”.

Përmbyllja e videos së tij: “Hajde 7 herë 7, Rama, më e keqja s’ka ardhur ende”