Çmimet e naftës bien edhe më tutje

Çmimet e naftës po bien më tej me shpresën se lufta e Izraelit me Iranin nuk do të dëmtojë rrjedhën globale të naftës së papërpunuar.

Një fuçi nafte e papërpunuar amerikane ka rënë me 4.9% në 65.12 dollarë. Nafta e papërpunuar Brent, standardi ndërkombëtar, ka rënë me 4.8% në 67.13 dollarë, raporton AP.

Çmimet e naftës kanë rënë aq shumë në dy ditët e fundit saqë janë nën nivelin ku ishin para se Izraeli të sulmonte Iranin gati dy javë më parë.

Irani është një prodhues i madh i naftës së papërpunuar dhe ditëve të fundit raportohej se mund të përpiqet të bllokojë Ngushticën e Hormuzit pranë bregdetit të tij.

Atje kalojnë me anije 20% e nevojave ditore botërore për naftë.