Çka i tha presidentja Prindonit? Zotëriu i Parë bën disa hapa prapa gjatë pritjes së presidentes së Hungarisë

Presidentja e vendit, Vjosa Osmani, bashkë me bashkëshortin e saj, Prindon Sadriun, kanë pritur sot presidenten e Hungarisë, Katalin Novak.

Përgjatë pritjes me ceremoni shtetërore, Osmani është parë duke i thënë diçka Prindonit, i cili më pas bën disa hapa prapa teksa presin Novak.

Pritja e Novak është organizuar me gardë ceremoniale, ndërsa pas takimit pritet që Osmani dhe presidentja hungareze të deklarohen para mediave.

Novak, 44-vjeç, është një mbështetëse besnike e kryeministrit populist Viktor Orban dhe më parë ka shërbyer si ministre e Rinisë dhe Familjes.