Çitaku: Përveç Grenellit, VV ka përbaltur edhe Escobarin, kryeministri e quajti ‘naiv’ Blinkenin

Sekretarja e Partisë Demokratike të Kosovës ka qenë e ftuara e radhës në Reel Talk që realizohet me gazetarin Nebih Maxhunin në Periskopi.

Ajo ka folur për kritikat që eksponentë të VV-së kanë hedhur kundrejt Richard Grenell.

Çitaku tha se përveç Grenellit, kjo qeveri ka baltosur edhe Escobar-in, e cila përmendi edhe deklaratën e Kurtit që e pati quajtur ‘naiv’ Blinkenin.

Për Çitakun, raportet me SHBA varet se kush po e udhëheq Qeverinë në Kosovë, dhe jo Shtëpinë e Bardhë.

“Pavarësisht a do të mar ndonjë pozitë të lartë z.Grenell apo jo, pavarësisht a do të jetë sekretar i shtetit apo do të punoj në kabinet z.Grenell është një njeri i afërt i presidentit Trump dhe ndikim. Mirëpo qasje të njëjtë, të ngjashme eksponentë të kësaj qeverie kanë pasë edhe me zyrtarë të lartë të kësaj administrate. Kryeministri e ka quajtur sekretarin e shtetit naiv në një intervistë në medium të madh botëror. Escobar është përbaltur  në rrjete sociale nga eksponentë të lartë të LVV-së.

Në raport me ShBA-të më shumë varet se kush e udhëheq Qeverinë e Kosovës sesa Shtëpinë e Bardhë”, deklaroi ajo.