Çitaku: Kurti dhe eksponentët e VV-së vazhdojnë të krijojnë kriza dhe konflikte me aleatët për të mbuluar dështimet në Qeveri

Nënkryetarja e Partisë Demokratike të Kosovës (PDK), Vlora Çitaku, ka thënë se kryeministri i vendit, Albin Kurti dhe “eksponentët” e VV-së janë duke vazhduar të krijojnë siç është shprehur ajo, kriza dhe konflikte me aleatët.

Përmes një postimi në Facebook, Çitaku, ka thënë se kacafytjet e tyre publike herë me SHBA-në, herë me BE-në u kanë sjellur vetëm një të mirë, po ua lënë Qeverisë në hije skandalet e njëpasnjëshme në qeverisjen e brendshme.

“Tashmë është e qartë, përplasjet me aleatët, në emër të sovranitetit, po bëhen për të kompenzuar mungesën e sukseseve në qeverisje, dhe për të mbuluar skandalet. Nuk do të ketë jetë të gjatë kjo mendësi”, ka shkruar nënkryetarja e PDK-së.

“Kryeministri dhe eksponentët e VV vazhdojnë të krijojnë kriza dhe konflikte me aleatët.
Kacafytjet e tyre publike herë me SHBA-në, herë me BE-në u kanë sjellur vetëm një të mirë. Po ua lënë në hije skandalet e njëpasnjëshme në qeverisjen e brendshme.
Dje një zyrtar i VV-së u emërua drejtor i KEK-ut. Kjo pas arrestimit të ish Drejtorit, i cili poashtu ka qenë zyrtar i VV-së.
Tashmë është e qartë, përplasjet me aleatët, në emër të sovranitetit, po bëhen për të kompenzuar mungesën e sukseseve në qeverisje , dhe për të mbuluar skandalet.
Nuk do të ketë jetë të gjatë kjo mendësi”, ka shkruar Çitaku.

Bordi i Drejtorëve të Korporatës Energjetike të Kosovës, ka emëruar gjatë ditës së djeshme ish-kandidatin e partisë së kryeministri Albin Kurti, për zgjedhjet lokale të vitit 2017, Bekir Gërgurin në pozitën e ushtruesit të detyrës së Kryeshefit Ekzekutiv të kësaj ndërmarrjeje.

Ai nga nga dje ka nisur punën duke e zëvendësuar në këtë pozitë Nagip Krasniqin i cili po akuzohet për korrupsion.

Se është anëtar i Lëvizjes Vetëvendosje e ka konfirmuar të enjten edhe vetë Gërguri. Por, ai e ka mohuar se është favorizuar nga partia e Albin Kurtit për t’u emëruar U.D. kryeshef në KEK.