Çfarë drame në mes të Braçes dhe Këlliçit: I hapa frigoriferin, qante aty, hapi krahët

Një përplasje e ashpër po ndodh në mes të deputetit socialist Erion Braçe dhe atij demokrat, Belind Këlliçi. Ky i fundit, pretendon se në një zyrë në Tiranë, kishte ‘patronazhistë’ – temë për të cilën, mund të lexoni më shumë këtu:

Por çka thanë Braçe dhe Këlliçi në paraqitjet e tyre të drejtpëdrejta në këto orë:

Erion Braçe: Mendoj se merrem me burra, jo me qesharakë. Qesharakë të një kalibri shumë të madh si puna e Belind Këlliçit. Unë kam shkuar në një zyrë pune, pune për shkak se një bandë e PD-së e shoqëruar me ‘televizionin kriminal të familjes’ ka tërhequr zvarrë gra dhe kanë goditur një burrë.

Unë kam qenë prezent më 21 janar, kur këta kanë vrarë socialistë dhe nuk janë bërë pishman. Por nuk do ndodhë më kurrë që këta të prekin një socialist.

Belind Këlliçin e kam thirrë unë në zyrë dhe i kam treguar gjithë ambientet e zyrës, i kam hapur frigoriferin, lavatriçen, i kam treguar kokoshkat se këta për këtë janë.

Ai më tha se unë nuk dyshoj që ti ke vjedhur vota sepse këtë nuk e bën as ti, as Pandeli Majko.

Unë nuk kam lekë për të blerë vota. 

Belind Këlliçi: Unë kam ardhë në ambientet e PD-së, u mundova të isha shumë etik me Braçen, edhe pasi pashë pamjet që kish goditur Ambroxia Metën. Mashtrues të këtij kalibri vetëm Erion Veliajn kam parë. Një njeri që i dridhej zëri, qante aty në zyrë, hapi krahët.

Bujrum Braçe, kur të dojë si të dojë. I thashë o zotëri, nuk po them që ke blerë ti vota se nuk ishe ti këtu se nuk mund të thoja që ishe ti ai, kur pamë pamjet. Më pas ai hyri në zyrë.