Ministri i Jashtëm turk Mevlut Çavusoglu ka zhvilluar të mërkurën një bisedë telefonike me homologun e tij rus Sergej Lavrov, sipas Ministrisë së Jashtme turke.
Cavusoglu dhe Lavrov diskutuan nismën e grurit të Detit të Zi, si dhe marrëdhëniet dypalëshe, shkruan AA, transmeton GazetaDemos.
Nuk u dhanë më shumë detaje rreth bisedës.
Korrikun e kaluar, Turqia, OKB, Rusia dhe Ukraina nënshkruan marrëveshjen në Stamboll për të rifilluar eksportet e grurit nga tre porte ukrainase të Detit të Zi, të cilat u ndaluan pas fillimit të luftës Rusi-Ukrainë në shkurt. Marrëveshja u zgjat për 120 ditë në nëntor.
Rusia tha se mbështet një zgjatje 60-ditore të marrëveshjes historike. Ukraina, megjithatë, thotë se pozicioni i Moskës për të zgjatur marrëveshjen “vetëm për 60 ditë bie ndesh me dokumentin”./Demos/